Shehrasad

പണ്ട് പണ്ടൊരു കാലത്ത് ഈ ലോകം നീലനിറത്തിലായിരുന്നു' എന്നൊരു വാക്യം കാണാം നോവലിലൊരിടത്ത്. ആ സമുദ്രവർണ്ണമാണ് നോവലിനെ ഭരിക്കുന്നത്. സ്വാതന്ത്ര്യത്തിൻ്റെ നിറമാണത്. അതിലേയ്ക്കായുന്നവരാണ് ഷെഹ്റസാദിനെയും സുമതിയെയും അപരാജിതയെയും പോലുള്ള നോവലിലെ പ്രധാന കഥാപാത്രങ്ങൾ. ആൺകോയ്മയുടെ കാലം അസ്തമിക്കുകയും തന്മയും തൻ്റേടവുമുള്ള സ്ത്രീകളുടെയും പെൺകുട്ടികളുടെയും ലോകം സാധ്യമാണെന്ന പ്രതീക്ഷയുടെ പ്രഭാതശോഭ പരക്കുകയും ചെയ്യുന്ന കാലം ഈ നോവലിനെയും സംഗതമാക്കുന്നുണ്ട്.