Andhakaram Manavaparvam

അന്ധകാരം മൂടിയ ലോകം, ആ ലോകത്തിന് ദണ്ഡക എന്ന കോട്ടയുടെ മുഖഭാവമാണ്. രണ്ടു ലോകങ്ങൾ സമാന്തരമായി നീങ്ങുമ്പോഴും നിരവധി അസാധാരണ സംഭവങ്ങളിലൂടെ പരസ്പരം കെട്ടുപിണഞ്ഞുകിടക്കുകയാണ് ഈ ലോകങ്ങൾ. ശ്രീ പത്മനാഭക്ഷേത്രത്തിലെ ബി നിലവറയുടെ വാതിലിൽ ആലേഖനം ചെയ്തിരിക്കുന്ന വ്യാളികളും ചെകുത്താന്റെ ചിഹ്നങ്ങളും അസമിലെ ഉമാനന്ദക്ഷേത്രത്തിലെ രഹസ്യഅറയുടെ വാതിലിലെ ചിഹ്നങ്ങളും ഒരുപോലെ. ഒരിടത്ത് മഹാവിഷ്ണുക്ഷേത്രമെങ്കിൽ മറ്റൊരിടത്ത് ശിവപാർവ്വതി ക്ഷേത്രം. ഒന്ന് കടലിന്റെ തീരത്തും മറ്റൊന്ന് മഞ്ഞുമലകളോട് ചേർന്നും. പരസ്പരം ബന്ധിപ്പിക്കാൻ കഴിയാത്ത രണ്ടിടങ്ങൾ, എന്നിട്ടും ദുരൂഹമായി ഇവ രണ്ടും ഇഴപിരിയാനാകാതെ കിടക്കുന്നു.